Steg 1: Me finn kompassretning

Micro:bit-en les av kompassretninga i gradar. Den viser kor mange grader frå nord, målt med klokka, micro:bit-en peikar. Altså er 0° nord, 90° er aust, 180° er sør og 270° er vest. Sidan me veit i kva retning micro:bit-en peikar kan me berekne kva retning ei pil på skjermen må peike for å vise retning mot nord.

let retning = 0
basic.forever(function () {
    retning = input.compassHeading()
    basic.showNumber(retning)
})

Steg 2: Me viser pila

Det er mykje lettare å finne ut kva veg nord er ved å leggje inn ei pil som alltid peikar mot nord. Me skal bruke ei pil som kan peike i 8 ulike retningar. Difor må me tenke oss at me deler kompassrosa inn i 8 kakestykke eller delar som alle har ei opning på 360° / 8 = 45°. Kvar retning er då innanfor følgjande vinklar:

• Nord: 337.5^o til 22.5^o.
• Nordvest: 22.5^o til 67.5^o.
• Vest: 67.5^o til 112.5^o.
• Sørvest: 112.5^o til 157.5^o.
• Sør: 157.5^o til 202.5^o.
• Søraust: 202.5^o til 247.5^o.
• Aust: 247.5^o til 292.5^o.
• Nordaust: 292.5^o til 337.5^o.

Då kan me starte å teste kva retning micro:bit-en peikar i.

• Legg inn ein viss elles-kloss frå logikk-kategorien. Trykk på +-teiknet 7 gonger slik at du kan leggje inn nye klossar i totalt 9 opningar.

• For å vise ei pil kan du leggje inn ein vis pil frå Basis-kategorien. Legg den inne i show image-klossen. Kvar av dei 9 opningane i den utvida viss elles-klossen skal ha ein vis pil-kloss.

• No skal me teste systematisk kva retning micro:bit-en peikar i. Det gjer me ved å teste for verdien av variabelen retning som har fått verdi frå retninga micro:bit-en peikar i. Me må leggje inn ein samanlikningskloss frå logikk-kategorien, og i den fyrste viss-testen må me finne ut om retning er mindre enn 22.5. Då peikar micro:bit-en omtrent mot nord, og me viser pilbiletet som peikar mot nord.

• I neste elles viss-test må me finne ut om retning er mindre enn 67.5. Då peikar micro:bit-en mot nordaust, og retning nordvest på micro:bit-en peikar mot ekte nord. Sidan me vil at pila skal peike mot ekte nord må me velje at pila viser nordvest.

• I neste elles viss-test må me finne ut om retning er mindre enn 112.5. Då peikar micro:bit-en mot aust, og retning vest på micro:bit-en peikar mot ekte nord. Sidan me vil at pila skal peike mot ekte nord må me velje at pila viser vest.

• Slik fortset me heile sirkelen. Me testar om retning er mindre enn 157.5, 202.5, 247.5, 292.5 og 337.5 og viser piler som peikar mot høvesvis sørvest, sør, søraust, aust, nordaust og på siste plass der me ikkje treng å teste for retning, sidan den må vere større enn 337.5, viser me pil mot nord.

let retning = 0
basic.forever(function () {
    retning = input.compassHeading()
    if (retning < 22.5) {
        basic.showArrow(ArrowNames.North)
    } else if (retning < 67.5) {
        basic.showArrow(ArrowNames.NorthWest)
    } else if (retning < 112.5) {
        basic.showArrow(ArrowNames.West)
    } else if (retning < 157.5) {
        basic.showArrow(ArrowNames.SouthWest)
    } else if (retning < 202.5) {
        basic.showArrow(ArrowNames.South)
    } else if (retning < 247.5) {
        basic.showArrow(ArrowNames.SouthEast)
    } else if (retning < 292.5) {
        basic.showArrow(ArrowNames.East)
    } else if (retning < 337.5) {
        basic.showArrow(ArrowNames.NorthEast)
    } else {
        basic.showArrow(ArrowNames.North)
    }
})