Åpne IDLE, editoren som følgjer med Python. Me vil bruke denne til både å skrive og køyre programma me skriv.

Windows: Åpne IDLE frå startmenyen.

Mac: Åpne terminal.app, skriv idle og trykk enter.

Linux: Åpne ein terminal, skriv idle og trykk enter.

Dette vil åpne eit vindauge som heiter Python Shell. Viss du ikkje finn IDLE, eller vindauget ikkje åpnar seg, så kan det vere at Python ikkje er installert. I så fall kan du laste ned siste versjon frå http://www.python.org/. Spør gjerne om hjelp til dette om det er nødvendig.

Vindauget Python Shell som åpna seg er der du vil sjå resultatet av programmet ditt. For å skrive eit nytt program må me åpne eit programmeringsvindauge i tillegg. I menyen, vel File > New File. Pass på at begge vindauga er synlege.

I dette nye vindauget skal me skrive vårt fyrste Python-program. Skriv følgjande:

No skal me lagre og køyre dette programmet. Vel File > Save, og gi programmet ditt namnet hei.py. Så kan du køyre programmet ved å klikke `Run

Run Module`. No skal du sjå at Python skriv ei lita helsing i det fyrste vindauget.

Gratulerer! No har du skrive og køyrt det fyrste Python-programmet ditt!

Det fyrste programmet vårt besto berre av ein kommando, nemleg funksjonen print som brukast for å fortelje Python at me vil skrive ut noko på skjermen. Det me vil skrive til skjermen set me inn i parentesar. I det tilfellet ville me at Python skulle skrive teksten Hei på deg!. For å fortelje Python at Hei på deg! skal tolkast som rein tekst og ikkje som ein Python-kommando må me skrive teksten i fnuttar '.

Me kan enkelt endre på det Python skriv til skjermen. Prøv å endre programmet ditt til dette:

print('Hei, alle saman!')

Lagre fila på nytt og køyr programmet.

Prøv å endre teksten til noko du finn på sjølv, og køyr programmet att!

Endre programmet ditt så det ser slik ut:

namn = input('Kva heiter du? ')
print('Hei, ' + namn)

Lagre og køyr programmet. Skriv inn namnet ditt når du blir spurt om det, og trykk enter-tasten. Helsar Python deg med namn?

For at teksten skal sjå bra ut må du passe på at du brukar mellomrom. Det ser best ut med eit mellomrom mellom ? og ' i input-funksjonen, og eit mellomrom mellom Hei, og ' i print-funksjonen.

Legg merke til at i programmet brukar me ein variabel namn som hugsar namnet du skriv inn. Slike variablar brukar me heile tida når me programmerer. Variablar blir laga automatisk når me brukar =. Du kan bestemme kva variablane skal heite sjølv, og det er lurt å velje namn som beskriv det variabelen skal hugse for deg.

Prøv å leggje inn fleire linjer i programmet ditt. Kanskje Python kan spørje deg om kor du bur, kven som er bestevenen din eller kanskje kva som er favorittfarga di? Bruk variablar for å hugse desse tinga slik at Python kan skrive dei tilbake på skjermen etterpå.

Me startar med å teikne kua. Start eit nytt IDLE-vindauge ved å velje File > New File. Skriv inn følgjande program:

print('^__^')
print('(oo)\_______')
print('(__)\       )')
print('    ||----W |')
print('    ||     ||')

Lagre programmet som kuprat.py og køyr det. Ei ganske stilig ku!

Men no må me få kua til å seie noko. Legg til og endre kodelinjene dine slik at dette ser bra ut:

print(' _____________________')
print('< Python er morosamt! >')
print(' ---------------------')
print('     \   ^__^')
print('      \  (oo)\_______')
print('         (__)\       )')
print('             ||----W |')
print('             ||     ||')

No kan me bruke det me har lært tidlegare for å enkelt endre på meldingane kua seier. Ved hjelp av input kan me spørje om kva kua skal seie. Endre programmet så det ser slik ut:

melding = input('Kva skal kua seie? ')

print(' ____________________')
print('< ' + melding + ' >')
print(' --------------------')
print('     \   ^__^')
print('      \  (oo)\_______')
print('         (__)\       )')
print('             ||----W |')
print('             ||     ||')

Korleis verkar programmet når du køyrer det no? Prøv med ulike tekstar. Ser du eit problem?

Snakkebobla til kua er ikkje tilpassa lengda av meldinga, så av og til blir snakkebobla for stor, av og til for liten. For å fikse det skal me bruke ein ny funksjon, len (len er ei forkorting for length som tyder lengde). Denne kan finne lengda til ein tekst. For å teste funksjonen, prøv å leggje inn denne linja rett etter input-linja i programmet ditt:

print(len(melding))

Dette vil skrive ut lengda av meldinga før kua blir skrive ut.

Me kan bruke lengda av meldinga for å rekne ut kor lang snakkebobla må vere. Sidan me har mellomrom på begge sider av meldinga bør snakkebobla vere to teikn lengre enn meldinga.

boblelengde = len(melding) + 2

For å teikne snakkebobla kan me bruke eit Python-triks som kan repetere tekst. Me har allereie sett at me kan setje saman tekst ved å bruke +, til dømes 'Hei, ' + namn. For å repetere tekst kan vi gange den med eit tal. Til dømes vil 'hei' * 3 bli til 'heiheihei'. Difor kan me gange '-' med snakkeboblelengda for å teikne snakkebobla i riktig storleik.

Endre programmet ditt så det ser slik ut:

melding = input('Kva skal kua seie? ')
boblelengde = len(melding) + 2

print(' ' + '_' * boblelengde)
print('< ' + melding + ' >')
print(' ' + '-' * boblelengde)
print('     \   ^__^')
print('      \  (oo)\_______')
print('         (__)\       )')
print('             ||----W |')
print('             ||     ||')

Lagre og køyr programmet. Får snakkebobla riktig storleik?