Introduksjon

I denne oppgåva skal me lage ei liste med bilete, og ved å trykke på port 0 på micro:bit-en skal eit tilfeldig bilete visast på skjermen. Dette kan du bruke til å spå!

Bilete av micro:bit-en og ein som heldt på portane og

Micro:bit-en har fem store tilkoplingar på brettet som me kallar portar. Desse er kopla til store hol og er merka 0, 1, 2, 3V og GND på micro:bit-en.

Bilete av ein micro:bit og påkopla krokodilleklemmer

Me brukar GND-porten for å fullføre ein krins. Viss du heldt på GND-porten med ei hand kan du programmere micro:bit-en til å oppdage at du tek på 0, 1 eller 2 med den andre handa (då brukar du kroppen din til å fullføre ein elektrisk krins). Dette kan du bruke for å få micro:bit-en til å gjere eller vise ulike ting. Du kan òg få micro:bit-en til å sende signal ut gjennom portane. Til dømes kan du programmere micro:bit-en til å sende ut lyd, og viss du koplar på ein høgtalar med krokodilleklemmer kan du høyre på lyden.

Du kan lese meir om portane på micro:bit-en her: microbit.org.

Steg 1: Opprett liste

Klossane vis bilete og vis ikon i Basislet deg vise bilete med ein gong på micro:bit-en, men ein kan òg lagre bilete eller lister av bilete i variablar. I denne oppgåva skal me gjere det siste.

Sjekkliste

Gå til kategorien Variablar, trykk på Lag ein variabel og skriv inn "Bileteliste".
Klikk på Avansert, så på Lister og finn klossen som heiter sett list til array of ("array of" tyder "liste av" på norsk). Plasser klossen i ved start og byt namn på variabelen til "Bileteliste".
Fyll ut plassane i lista (der det står tal) med klossen ikonbilete som ligg i Avansert -> Bilete. Du kan utvide lista og leggje til så mange bilete du vil ved å trykkje på plussteiknet heilt til høgre på liste-klossen. Legg til minst 5 bilete/ikon.

let Bildeliste = [images.iconImage(IconNames.Heart), images.iconImage(IconNames.No)]

Steg 2: Vel eit tilfeldig bilete

Når nokon heldt på portane GND og 0 på micro:bit-en skal eit tilfeldig bilete bli valt. Me gjer dette ved å velje eit tilfeldig tal og lagre det i ein variabel.

Sjekkliste

Lag ein ny variabel som heiter Tilfeldig biletenummer.

Elementa (her: bileta) i ei liste er nummererte. Det fyrste elementet har nummer 0, neste nummer 1 osb. Viss lista di har 5 bilete er dei nummererte 0, 1, 2, 3, 4. Derfor må me velje eit tilfeldig tal mellom 0 og lengda av lista -1.

Lag kode som gjer at når ein trykkar på port 0, så vert variabelen Tilfeldig biletenummer sett til eit tilfeldig tal. Lengde på liste-klossen finn du i Lister.
Koden din burde sjå ut som den under:

input.onPinPressed(TouchPin.P0, function () {
    let Bildeliste: Image[] = []
    Tilfeldig_bildenummer = Math.randomRange(0, Bildeliste.length - 1)
})

Kan ein ikkje berre velje eit tilfeldig tal frå 0 til 4, tenker du kanskje? Jo, det kan du. Men no kan du leggje til fleire bilete i lista utan å måtte oppdatere reisten av koden. Dette trikset er nyttig når ein har lang kode og store lister, så det er greitt å lære seg først som sist.

Steg 3: Vis bilete

No skal me vise biletet med det valte biletenummeret på micro:bit-en.

Sjekkliste

Gå til kategorien Bilete og finn show image variabel at offset 0-klossen (vis biletevariabel med forskyvning 0). Me skal ikkje forskyve biletet, så la det stå 0 bakerst. Legg klossen under set Tilfeldig biletenummer til... frå førre steg.

Hadde me lagra eit bilete i ein variabel hadde me brukt den variabelen til å erstatte myImage no. Men her må me hente ut eit element (bilete) frå lista i staden.

Bruk klossen får en verdi ved frå Lister og erstatt list med variabelen me har lagra biletelista vår i, nemleg "Bileteliste". Me vil hente ut elementet med det nummeret som er lagra i "Tilfeldig biletenummer", så me erstattar 0 med denne variabelen. Erstatt myImage i klossen frå førre punkt med blokka du akkurat laga.

Test prosjektet

No har du laga alt du treng!

Test koden din på simulatoren og/eller last den ned til micro:bit-en. Pass på at du heldt jordporten (GND) samstundes som du trykkar på port 0 viss du testar på micro:bit-en.
No kan du prøve å spå framtida til den som tek på portane, om du vil.

Utfordring

Når ein spår med kort er det vanleg å trekke fleire kort og tolke dei saman. Klarar du å oppdatere koden din slik at ei bileteserie på tre tilfeldige bilete blir vist i staden for berre eitt?

Fleire idear

Viss du vil at spåen din skal sjå litt betre ut, og bli enklare for den som vil bli spådd, kan du lage to store knappar som den som blir spådd kan halde på. Klypp ut to sirklar i papp og legg aluminiumsfolie rundt. Fest ei krokodilleklemme til kvar av diskane. Den andre enden av krokodilleklemmene skal på port 0 og GND på micro:bit-en.
Prøv å spå fleire personar. La ein halde på 0-porten, og ein annan halde på GND-porten. Desse to må halde hender eller ta high five for at elektriske signal skal bli sendt gjennom. Kanskje går det an med fleire enn to personer som lagar ei lenke?

Forbedre denne siden

Funnet en feil? Kunne noe vært bedre?
Hvis ja, vennligst gi oss tilbakemelding ved å lage en sak på Github eller fiks feilen selv om du kan. Vi er takknemlige for enhver tilbakemelding!

Rapporter et problem

Gå til forumet

Vis koden og fiks selv