Python: Rotasjon og fall
Skrevet av: Omsett frå microbit-micropython.readthedocs.io
Oversatt av: Stein Olav Romslo og Susanne Rynning Seip
Denne oppgåva er ein del av oppgåvesamlinga "Programmering i micro-python" og byggjer vidare på Python: Tilfeldig.
Me tilrår at du lastar ned og skriv koden din i mu editor når du jobbar med desse oppgåvene. Instruksjonar for korleis ein lastar ned Mu finn du på nettsida via linken.
Når Mu er installert kan du kople micro:biten din til datamaskinen via ein USB-kabel. Skriv koden din i editor-vindauget og trykk på “Flash”-knappen for å laste koden over på micro:biten. Dersom det ikkje fungerer, sørg for at micro:biten har dukka opp som ei USB-eining på datamaskinen din.
Introduksjon
Ein veldig interessant bieffekt av å ha eit akselerometer er at det kan merke rørsler. Med andre ord kan MicroPython oppfatte rørsler du gjer med micro:bit-en.
MicroPython kan oppfatte følgjande rørsler: up, down, left, right, face up, face down, freefall, shake, 3g, 6g og 8g. Rørslene blir alltid registrert og brukt som tekst i koden. Dei fleste namna er nok enkle å forstå (det er engelske uttrykk for rørslene), men kanskje ikkje dei tre siste. Kodene 3g, 6g og 8g står for når micro:bit-en vert utsett for desse nivåa av g-krefter. Ein g-kraft er forholdet mellom den aktuelle akselerasjonen og standardakselerasjonen 1 g på jordoverflata, altså tyngdekrafta. Til dømes møter astronautar i ei romferge kring 3-4 g i gjennomsnitt når dei tek av.
For å lese kva rørsle som skjer brukar me metoden accelerometer.current_gesture. Resultatet er ei av dei rørslene du såg lista opp over. Til dømes vil koden under berre gjere micro:bit-en lykkeleg når den peikar oppover:
from microbit import *
while True:
gesture = accelerometer.current_gesture()
if gesture == "face up":
display.show(Image.HAPPY)
else:
display.show(Image.ANGRY)
Sidan me vil at micro:bit-en skal reagere på endringar i miljøet sitt, så brukar me ei while-løkke. Inne i løkka blir det sjekka kva rørsle som skjer, og den blir lagra i variabelen gesture. Så sjekkar if-setninga om gesture er lik face up (Python brukar == for å sjekke om noko er likt, medan = er for å gi innhald til variablar slik som då gesture fekk ei rørsle). Viss rørsla er face up skal displayet vise eit smilefjer. Elles er micro:bit-en sur på oss!
Magic-8
Ein "Magic-8"-ball er eit leiketøy som vart oppfunne på 1950-talet. Ideen er at ein stiller eit ja/nei-spørsmål, ristar kula, og ventar på at den skal gi eit svar. Det er relativt enkelt å lage eit program som gjer det same:
from microbit import *
import random
answers = [
"It is certain",
"It is decidedly so",
"Without a doubt",
"Yes, definitely",
"You may rely on it",
"As I see it, yes",
"Most likely",
"Outlook good",
"Yes",
"Signs point to yes",
"Reply hazy try again",
"Ask again later",
"Better not tell you now",
"Cannot predict now",
"Concentrate and ask again",
"Don't count on it"
"My reply is no",
"My sources say no",
"Outlook not so good",
"Very doubtful",
]
while True:
display.show("8")
if accelerometer.was_gesture("shake"):
display.clear()
sleep(1000)
display.scroll(random.choice(answers))
Mesteparten av programmet er ei liste som heiter answers. Det faktiske spelet er inne i while-løkka på slutten.
Standardtilstanden til spelet er å vise talet 8. Men programmet må òg oppdage når det blir rista. Metoden was_gesture brukar argumentet sitt (her er det teksten "shake" fordi me vil oppdage risting) til å returnere anten True eller False. Viss eininga vart rista, så vil if-setninga gå inn i blokka der den fyrst fjernar teksten på skjermen, ventar eitt sekund (så brukaren trur at programmet tenker seg godt om), for så å vise eit tilfeldig valt svar.
Er ikkje dette det beste programmet nokon sinne?
Utfordring: Litt juks
Som ein ekte spåmann eller spåkvinne er det viktig at du kan påverke resultatet til å alltid vere positivt eller negativt.
Sjekkliste
Merk at koden framleis må virke viss ingen knappar trykkast, altså skal berre risting vise eit tilfeldig resultat.
Neste oppgåve i samlinga er Python: Retningar. Klikk vidare for å halde fram gjennom samlinga.
Forbedre denne siden
Funnet en feil? Kunne noe vært bedre?
Hvis ja, vennligst gi oss tilbakemelding ved å lage en sak på Github eller fiks feilen selv om du kan. Vi er takknemlige for enhver tilbakemelding!
