Lag eit nytt IDLE-vindauge ved å velje File > New File.

Me startar med å utforske korleis me kan bruke Python til å rekne ut enkle reknestykke. Skriv det følgjande nye programmet:

print(2 + 3)
print(17 - 8)
print(3 * 4)
print(22 / 7)

Lagre programmet med namnet kalkulator.py og køyr det.

Når programmet køyrer vil det skrive ut 4 tal. Kjenner du att desse tala? Forstår du kva symbola * og / tyder? Du må gjerne endre på programmet og køyre det fleire gonger, slik at du er sikker på at du forstår korleis Python brukar pluss, minus, gange og dele.

For å lage tilfeldige tal skal me bruke ein ny Python-funksjon som heiter randint (her er rand ei forkorting for random som tyder tilfeldig, og int ei forkorting for integer som tyder heiltal). Denne funksjonen er ikkje med i grunnpakka til Python, men ligg i eit bibliotek som heiter random. Difor må me fortelje Python at me vil bruke dette biblioteket. Lag eit nytt program, terning.py, som ser slik ut:

from random import randint
print(randint(1, 6))

Når du køyrer programmet vil det skrive ut eit tilfeldig tal mellom 1 og 6. Køyr programmet fleire gonger. Forandrar talet seg?

Prøv sjølv å forandre programmet slik at det skriv ut tilfeldige tal mellom 1 og 20! Eller mellom -1 og 1.

Programmet terning.py viser korleis me kan late som om me slår ein terning i Python. Men korleis kan me late som me slår to terningar og så få summen av dei?

Me kan utvide programmet til å slå terning mange gonger. Det er enklast å gjere med for-løkker. Viss du til dømes brukar koden under, så vil det sjå ut som du slår to terningar 25 gonger:

from random import randint

for i in range(25):
    print(randint(1, 6) + randint(1, 6))

Lag eit nytt program som heiter mattespel.py. Me startar med å trekkje to tilfeldige tal, og lar Python gange dei saman:

from random import randint

tal1 = randint(2, 12)
tal2 = randint(2, 12)

No vil me at Python skal gi oss eit reknestykke. Kan me bli spurt om å gange saman tal1 og tal2? Prøv å leggje til denne linja nedst i programmet ditt:

print('Kva er ' + tal1 + ' ganger ' + tal2 + '?')

Kva skjer når du køyrer programmet no?

Du hugsar kanskje at me kan bruke + for å setje saman tekst? Det gjer me òg for å leggje saman tal. I linja over brukar me + på både tekst og tal, og då forstår ikkje Python heilt kva me meiner.

For å fortelje Python at me vil setje saman tekst må me bruke funksjonen str for å gjere tala om til tekst (str er ei forkorting for streng, som er det me kallar tekstar på fagspråket). Endre den siste linja så den ser slik ut i staden:

print('Kva er ' + str(tal1) + ' ganger ' + str(tal2) + '?')

Virkar programmet ditt betre no? Prøv å køyre programmet fleire gonger. Blir du stilt forskjellige spørsmål?

Neste steg er at me skal kunne svare på reknestykket. Til det brukar me igjen funksjonen input. Legg til linja

svar = input()

nedst i programmet.

No skal me få programmet til å sjekke at me har svart riktig. For å gjere det skal me bruke noko som heiter if-testar. Desse sjekkar om noko er sant, og me vil bruke dei for å sjekke om det er sant at svaret ditt er likt det faktiske svaret. Legg til ein if-test nedst i programmet ditt slik som dette:

from random import randint

tal1 = randint(2, 12)
tal2 = randint(2, 12)

print('Kva er ' + str(tal1) + ' ganger ' + str(tal2) + '?')
svar = input()

if svar == tal1 * tal2:
    print('Ja, svaret er ' + svar)
else:
    print('Nei, det riktige svaret er ' + str(tal1 * tal2))

Pass på at som i for-løkker må du skyve koden i if-testen inn mot høgre.

Køyr programmet ditt. Virkar det? Kva skjer viss du svarar feil på ei oppgåve? Kva skjer viss du svarar riktig?

Hmm... Det er eit problem med programmet vårt. Det seier at me svarar feil sjølv om me svarar riktig!

Problemet med programmet vårt er ikkje så lett å finne. Men sidan programmet alltid seier at svaret vårt er feil må det tyde at svar aldri er heilt lik tal1 * tal2. Igjen er problemet at Python meiner at tekst og tal er ulike ting.

Når me brukar input til å lese inn svar vil det alltid vere tekst, sjølv om me berre skriv inn tal. På same måte som me kan gjere om tal til tekst med str kan me bruke int for å gjere om tekst til tal (hugs at int er ei forkorting for integer som tyder heiltal).

Endre if-linja i programmet ditt til

if int(svar) == tal1 * tal2:

Virkar programmet betre no?

Korleis kan me lage ei løkke slik at programmet stiller oss, til dømes, 5 reknestykke på rad før det blir avslutta? Prøv litt sjølv før du går vidare.

Til slutt vil me at programmet skal telje kor mange riktige svar me klarar. For å gjere det skal me bruke ein varaibel som me kan kalle ant_rett (antal rette svar). Når me startar spelet passar me på at den er 0, sidan me ikkje har svart noko endå. Kvar gong me svarar riktig kan me auke verdien av variabelen med 1. Om me legg til ei melding for å vise kor mange riktige svar spelaren klarte, så kan programmet sjå slik ut:

from random import randint

ant_stykker = 5
ant_rett = 0

for i in range(ant_stykker):
    tal1 = randint(2, 12)
    tal2 = randint(2, 12)

    print('Kva er ' + str(tal1) + ' ganger ' + str(tal2) + '?')
    svar = input()

    if int(svar) == tal1 * tal2:
        print('Ja, svaret er ' + svar)
        ant_rett = ant_rett + 1
    else:
        print('Nei, det riktige svaret er ' + str(tal1 * tal2))

print('Du fekk ' + str(ant_rett) + ' av ' + str(ant_stykker))

La oss prøve å skrive eit program som jobbar på denne måten. Lag eit nytt program som du kallar fakultet.py:

def fakultet(tal):
    if tal == 1:
        return 1

print(fakultet(1))

Her brukar me fleire ting du har sett tidlegare. Hugs at def brukast for å lage eigne funksjonar. Her lagar me funksjonen fakultet som me etterpå kallar inne i print-funksjonen.

Til no har me berre sagt at me veit at fakultetet av 1 er 1. Men no kjem det stilige. Me kan rekne ut fakultetet av alle andre tal ved å leggje på ei enkelt kodelinje:

def fakultet(tal):
    if tal == 1:
        return 1
    return tal * fakultet(tal-1)

print(fakultet(4))

Denne linja seier at fakultetet til eit tal er talet sjølv ganger fakultetet til talet som er ein mindre.

Prøv å rekne ut fakultetet av andre tal. Forstår du korleis det virkar? Det er nok ein uvant måte å tenke på, så det kan ta litt tid å bli vant til det.