Sjekkliste

• Åpne IDLE-editoren, og åpne ei ny fil ved å trykkje File > New File, og la oss setje i gang.

  Hugs at du skal ha to vindauge oppe. Det eine er 'Python Shell' og det andre er for å skrive kode i.

  Som sist vil den fyrste linja alltid vere from turtle import * for å fortelje Python at me vil teikne ved hjelp av skjelpadde-biblioteket!

  from turtle import *
  
  for n in range(4):
      forward(100)
      right(90)
  

• Lagre det som ei ny fil, og køyr programmet frå menyen ved å trykkje `Run

  Run Module`.

  Hugs at for n in range(4) gjentek koden, og at koden må grupperast med mellomrom (innrykk) for å vere en del av for-løkka. Bruk tab (knappen rett over caps lock) for å få innrykk i koden.

Sjekkliste

• Endre programmet så det ser slik ut:

  from turtle import *
  
  sides = 4
  length = 100
  angle = 360/sides
  
  for n in range(sides):
      forward(length)
      right(angle)
  

• Køyr det ved å trykkje Run > Run Module frå menyen. Får du den same firkanten som før? Sjekk at det virkar før du går vidare.

Dette er eit litt langt program, men no kan me endre det til å teikne den figuren me vil. Problemet er berre at me må klyppe og lime programmet for å få det til. Som før kan me skrive kode for å sleppe å gjenta oss sjølv (programmerarar anstrenger seg gjerne litt slik at dei kan vere late etterpå!). Denne gongen skal me lage ein funksjon. Ein funksjon er ein enkel måte å gjenbruke ei kodeblokk (eller oppskrift om du vil) mange gonger. Funksjonen får eit namn, og me kan hente den fram att ved å bruke namnet seinare.

Sjekkliste

• Me endrar koden og legg til def poly():. def tyder definer, altså å lage. Pass på at koden har riktig innrykk og bruk den nye funksjonen. For å få innrykk på fleire linjer kan du merke linjene og så trykkje tab (knappen rett over caps lock). Viss du vil ha mindre innrykk, bruk shift + tab.

  from turtle import *
  
  def poly(): # me lagar funksjonen
      sides = 4
      length = 100
      angle = 360/sides
  
      for n in range(sides):
          forward(length)
          right(angle)
  
  pencolor('red')
  poly() # me kallar på funksjonen
  right(180)
  poly()
  

• Køyr programmet. Viss det virkar skal det bli teikna to raude firkantar.

Me sparte litt tid ved å lage ein ny funksjon i Python, og no kan me teikne ein raud firkant to gonger, utan å skrive heile greia to gonger. Den nye funksjonen poly() er fin for å sleppe å skrive så mykje.

Sjekkliste

• Endre koden så den ser slik ut:

  from turtle import *
  
  def poly(sides, length):
      angle = 360/sides
  
      for n in range(sides):
          forward(length)
          right(angle)
  
  pencolor('red')
  poly(4, 100)
  right(180)
  pencolor('blue')
  poly(3, 150)
  

• Køyr den og sjå kva som skjer.

  La oss ta dette litt sakte, for dette er ganske kule greier. I staden for å bestemme variablane i funksjonen seier me at funksjonen tek nokre verdiar som har namn, og så brukar me verdiane der me treng dei.

  Me flytta nokre verdiar ut av funksjonen, og flytta dei til den delen av koden som brukar dei. No kan me, med ein eineste funksjon, teikne kva form som helst, med kva farge som helst. Dette er veldig imponerande: me kan lære datamaskina nye triks, og så få den til å gjere triksa!

Å vere i stand til å lage nye funksjonar som kan oppføre seg forskjellig basert på verdiane me gir inn er eitt av dei kraftigaste verktøya i programmering.

Sjekkliste

• Sjølv om skjelpadda er ein liten robot som kan teikne, kan den òg flytte seg utan å teikne. Hugs at me kan bruke penup() og pendown() for å slå av og på at skjelpadda set spor. Åpne ei ny Python-fil, og skriv inn koden under:

  from turtle import *
  
  length = 200
  for num in range(8):
      forward(length/16)
      penup()
      forward(length/16)
      pendown()
  

• Dette programmet teiknar ei stipla linje over skjermen. Køyr det og sjekk!

Sjekkliste

• Endre koden så den ser ut som følgjande:

  from turtle import *
  speed(11)
  shape("turtle")
  
  def dashpoly(sides, length):
      angle = 360/sides
  
      for n in range(sides):
          for num in range(8):
              forward(length/16)
              penup()
              forward(length/16)
              pendown()
          right(angle)
  
  pencolor('red')
  dashpoly(4, 100)
  right(180)
  pencolor('blue')
  dashpoly(3, 150)
  

• Køyr koden og sjå kva den gjer.

  Me har to for-løkker inni kvarandre, ei ytre og ei indre. Den ytre løkka for n in range(sides) teiknar kvar kant av figuren, og kvar gong køyrer den indre løkka for num in range(8) som teiknar stipla linjer.

  Den ytre løkka brukar variabelen n for å halde styr på kor mange gonger den har gjenteke seg sjølv, og den indre løkka brukar variabelen num på tilsvarande måte. Du må bruke ulike variabelnamn inne i løkka, elles rotar du det berre til.

Sjekkliste

• La oss bruke funksjonar att for å rydde opp i koden. Endre koden frå steg 6 og la oss dele koden i bitar.

  from turtle import *
  speed(11)
  shape("turtle")
  
  def dashforward(length):
      for num in range(8):
          forward(length/16)
          penup()
          forward(length/16)
          pendown()
  
  def dashpoly(sides, length):
      angle = 360/sides
  
      for n in range(sides):
          dashforward(length)
          right(angle)
  
  pencolor('red')
  dashpoly(4, 100)
  right(180)
  pencolor('blue')
  dashpoly(3, 150)
  

• Køyr koden og sjå at den gjer akkurat det same som før.

Sjekkliste

• I ei ny fil, skriv inn følgjande:

  from turtle import *
  from random import randrange, choice
  colors = ['red', 'blue', 'green']
  
  
  def poly(sides, length):
      angle = 360/sides
  
      for n in range(sides):
          forward(length)
          right(angle)
  
  for count in range(10):
      pencolor(choice(colors))
      right(randrange(0,360))
      poly(randrange(3,9), randrange(10,30))
  

• Lagre og køyr koden

  Programmet skal teikne ti figurar i ulike fargar med ulik storleik. Linja from random import randrange, random hentar inn funksjonane randrange() og choice().

  Prosedyra randrange() plukkar ut eit tall mellom det lågaste og det høgaste talet me gir inn, så randrange(1, 10) vel eit tall mellom 1 og 9 (Python startar med 1, og stoppar rett før 10).

  Prosedyra choice() vel ein ting frå lista me gir inn. Ei liste er ei samling av verdiar, til dømes [1, 2, 3]. I koden over brukar me lista colors, som har verdiane 'red', 'blue', og 'green'.

  Ved å bruke choice() og randrange() kan me be datamaskina om å velje farge, storleik og form for oss, og det kjem til å bli forskjellig resultat nesten kvar einaste gong du køyrer programmet.