Gå til namnesidene hjå Statistisk Sentralbyrå: ssb.no/navn. Klikk litt rundt for å bli kjent med kva data som er tilgjengelege. Prøv å søke på ditt eige namn og sjå på Historisk utvikling (graf).

Du kan prøve andre namn. Sjå på grafen over historisk utvikling for namnet Sonja. Det har to veldig tydelege toppar, ein på 1920-talet og ein til på 1960-talet. Kan du forklare dette?

Me vil hente ut lister med alle jente- og gutenamna. Desse finn me ved å klikke på fana Tabeller. På denne sida finn du mellom anna to tabellar som heiter Jentenamn, alfabetisk og Guttenavn, alfabetisk (med årstal). Last ned desse to tabellane anten i Excel- eller CSV-format.

Åpne filane du akkurat lasta ned i Excel eller eit tilsvarande reknearkprogram.

Her er me berre interessert i sjølve namnelistene, ikkje alle tala som seier noko om kvart namn. Du kan difor slette alle kolonnene med tal.

Legg inn begge listene i det same reknearket, og gi dei overskrifter. Då ser det omlag slik ut:

Dette er viktig! Lagre reknearket som CSV. Du gjer dette ved å velje Lagre som eller Eksporter frå menyen, og så vel du formatet CSV. Gi fila di eit namn du vil kjenne att, til dømes namnelister.csv.

Gå til verktøyet for å lese data inn i Scratch. Trykk på knappen Last opp datafil, og vel CSV-filen du akkurat laga. No blir det lasta ned eit Scratch-prosjekt på datamaskina di, sannsynlegvis ei fil som heiter data.sb2 i Nedlastingar-mappa di.

Start eit nytt Scratchprosjekt.

Vel Fil i menyen og klikk på Last opp fra maskinen. Vel fila som vart lasta ned i førre steg.

Klikk OK. No blir namnelistene lasta inn. Det skal sjå omlag slik ut:

Namnelistene er døme på noko me rett og slett kallar lister i Scratch. Dei blir programmert ved hjelp av klossar som ligg i Data- kategorien. På same måte som for variablar kan du ta bort listene frå scena ved å fjerne avhukinga, høgreklikke på den eller bruke klossen gøym lista [ v].

Me startar med å la katten spørje om eit namn. Til dette kan me bruke spør [Skriv eit namn] og vent-klossen.

For at katten skal kunne hugse namnet me gir den vil me bruke ein variabel. Klikk på Data og så Lag ein variabel. Kall variabelen (Namn).

No kan me ta vare på svaret i (Namn)-variabelen.

spør [Skriv eit namn] og vent
set [Namn v] til (svar)

Om du ser på klossane som finst i Data-kategorien er det ein som seier <[Gutenamn v] inneheld [thing]?>. Denne klossen kan me bruke for å finne ut om eit namn finst i jentenamnlista eller gutenamnlista (eller begge eller ingen av dei).

Lag ein sjekk for om (Namn) er eit jentenamn:

spør [Skriv eit namn] og vent
set [Namn v] til (svar)
viss <[Jentenamn v] inneheld (Namn)?>
    sei (set saman (Namn) [ er eit jentenamn]) i (2) sekund
slutt

Lag ein sjekk for om (Namn) er eit gutenamn. Prøv å lage denne sjølv. Du kan gjere det på akkurat same måte som for jentenamn. Legg den nye viss-testen under den du allereie har.

Legg til ei gjenta for alltid-løkke rundt heile koden din. Det gjer at katten stadig vil spørje deg om nye namn.

Legg ein når @greenFlag vert trykt på-kloss på toppen av koden din, slik at du kan starte programmet ved å klikke på det grøne flagget.