Klikk på scena ved sidan av kattefiguren Sprite1 i vindauget for figurar. Trykk på for å importere ein ferdig bakgrunn. Vel den bakgrunnen du vil. Så slettar du den tomme bakgrunnen som ligg der.

Slett kattefiguren Sprite1 ved å høgreklikke på den og slette.

Vel nye figurar frå biblioteket. Legg til isbjørnen, snømannen og juletreet.

Vel isbjørnen og fana Skript og lag denne koden. Når isbjørnen blir klikka på skal den seie God jul!. Så skal den skifte utsjånad kvart sekund, 10 gonger.

når denne figuren vert trykt på
sei [God jul!] i (2) sekund
gjenta (10) gongar
    neste drakt
    vent (1) sekund
slutt

Vel snømannen og fana Skript og lag denne koden. Snømannen skal spørje etter namnet ditt. Den set inn svaret i ei ny setning. Så skal den skifte farge.

når denne figuren vert trykt på
spør [Kva heiter du ?] og vent
sei (set saman  [God jul ] (svar)) i (2) sekund
gjenta for alltid
    endra  [farge v]-effekt med (25)
slutt

Vel juletreet og fana Skript og lag denne koden. No skal juletreet skifte farge og utsjånad.

når @greenFlag vert trykt på
gjenta for alltid
    vent (0.3) sekund
    endra [farge v]-effekt med (25)
    neste drakt
slutt

Legg til din eigen velkomsthelsing, til dømes "God jul" eller ein julesang du syng sjølv.

Klikk på Scene, og vel fana Lydar.

Ta opp din eigen lyd og gi den eit namn, til dømes julehelsing. Så går du inn på Skript, og legg inn følgjande kode:

når @greenFlag vert trykt på
spel lyden [julehelsing v] til han er ferdig

Kanskje finn du på nokre andre morosame animasjonar? Snømannen kan til dømes danse eller turne litt? Kan me ha snakkande eller hoppande galne julepresangar? Du bestemmer!