Sjekkliste

• Åpne ei ny fane i nettlesaren din og gjer eit søk, til dømes etter skyscraper icon. Du må gjerne velje Biletesøk eller noko liknande for å berre sjå søkeresultata som er bilete.

  Finn ein skyskrapar som du likar. Så vel du Sjå biletet for å få bildet i full storleik. Høgreklikk på biletet og vel Lagre som og lagre det på datamaskina di ein stad du finn det att.

Sjekkliste

• Søk opp figurar for fly og King Kong.

  Her er nokre døme, men du må gjerne leite sjølv og finne andre bilete.

  

  Skyskrapar frå www.iconka.com, fly frå hellraz3r.deviantart.com og King Kong frå www.freepik.com.

• Etter at du har lasta ned bileta frå nettet er det på tide å ta dei inn som nye figurar i Scratch. Gå attande til Scratch. Klikk på ved sidan av Ny figur og vel eit av bileta du har lasta ned. Gjer det same med dei andre bileta, slik at du har tre figurar: ein skyskrapar, eit fly og ein King Kong-figur.

• Figurane får namn fra biletefilene. Endre gjerne namnet på figurane i figurlista til skyskrapar, fly og kong slik at det blir enklare å halde oversikta.

Sjekkliste

• Fyrst skal me teikne ein enkel bakgrunn. Klikk på ved Ny bakgrunn nedst til venstre.

• Vel Malingsbøtte-verktøyet (Fyll med farge) for å fargeleggje bakgrunnen. Finn eit par fine himmelfargar, til dømes en overgang frå blå øvst til noko lysare nedst. Klikk på bakgrunnen slik at den blir farga.

  

• For ein litt enkel graseffekt skal me velje Rektangel-verktøyet, og ei heilt svart farge. Teikne eit svart rektangel på den nedste delen av bakgrunnen.

• Så vel du ei ganske lys grønnfarge og teiknar eit grønt rektangel som dekker det meste av det svarte rektangelet, slik at det blir ein svart strek mellom graset og himmelen.

  

• Så vel du ei litt mørkare grønfarge og teiknar eit nytt rektangel som dekker den nedre delen av det førre rektangelet. Gjenta dette med stadig mørkare grønfarger til du har eit passande antal striper som førestiller graset. Sjå øvst i oppgåva for eit ferdig døme.

• Du kan teikne litt på figurane du har lasta ned. Til dømes, om du lasta ned skyskraparen frå lenka over er den gjennomsiktig! Det ser litt rart ut. Det blir betre om du vel ei farge og fargelegg skyskraparen.

Til spelet vårt treng me to drakter til King Kong. Ei drakt der han står på venstre side av skyskraparen og ei der han står på høgre side.

• Klikk på kong-figuren og vel Drakter-fana. Høgreklikk på kong-drakta og vel Lag ein kopi.

• Klikk på kopien og bruk knappen i øvre høgre hjørne til å spegelvende den nye drakta.

• Gi dei to draktene namna Høgre og Venstre.

Sjekkliste

• Me startar med skyskrapar-figuren. Denne er ganske enkel. Me vil berre passe på at den står i ro midt på skjermen og er passe stor. Det kan me gjere med eit skript som liknar dette:

  når @greenFlag vert trykt på
  set storleik til (200) %
  legg [framfor alt v]
  gå til x: (0) y: (-50)
  

  Du må eksperimentere litt med tala slik at dei passar til skyskrapargrafikken din.

• Neste steg er King Kong. Me vil at han skal stå på skyskraparen, og at me kan flytte han frå høgre til venstre side og tilbake att med piltastane. Dette er heller ikkje så vanskeleg. Du må sikkert endre litt på tala, men eit lite skript som ser om lag slik ut gjer jobben:

  når @greenFlag vert trykt på
  gå til x: (-45) y: (30)
  byt drakt til [venstre v]
  gjenta for alltid
      viss <tasten [pil venstre v] er trykt?>
          gli (0.2) sekund til x: (-45) y: (30)
          byt drakt til [venstre v]
      slutt
      viss <tasten [pil høyre v] er trykt?>
          gli (0.2) sekund til x: (45) y: (30)
          byt drakt til [høgre v]
      slutt
  slutt
  

Sjekkliste

• For å kopiere det eine flyet skal me bruke det som kallast kloning for å lage nye fly med ujamne mellomrom. Lag fyrst eit skript som stadig lagar nye fly:

  når @greenFlag vert trykt på
  gøym
  avgrens rotering til [venstre-høgre v]
  gjenta for alltid
      vent (tilfeldig tal frå (0.5) til (4)) sekund
      lag klon av [meg v]
  slutt
  

• Om du køyrer spelet ditt skjer det ikkje noko spanande endå, fordi me ikkje har sagt kva alle flyklonene skal gjere. La oss starte med å la dei flyge skrått over skjermen:

  når eg startar som klon
  peik i retning (45 v)
  gå til x: (-280) y: (-140)
  vis
  gjenta til <(y-posisjon) > [190]>
      gå (10) steg
  slutt
  slett denne klonen
  

• Igjen må du justere tala slik at dei passar for deg. Me vil at flyet skal flyge slik at det kjem borti kong om han står på venstre side av skyskraparen, men me vil ikkje at flyet skal krasje i skyskraparen sjølv (sjå biletet øvst i oppgåva).

• Viss du vil kan du klikke på drakter og rotere flyet litt slik at det flyr i riktig retning.

  

• Me kan få flya til å kome frå begge retningar! Ved å bruke eit tilfeldig tal kan me bestemme om flyet kjem frå høgre eller venstre. Endre koden din slik at den blir som følgjer:

  når eg startar som klon
  viss <(tilfeldig tal frå (1) til (2)) = [1]>
      peik i retning (45 v)
      gå til x: (-280) y: (-140)
  elles
      peik i retning (-45 v)
      gå til x: (280) y: (-140)
  slutt
  vis
  gjenta til <(y-posisjon) > [190]>
      gå (10) steg
  slutt
  slett denne klonen
  

Sjekkliste

• For at kong skal merke at han blir treft av flya lagar me eit nytt skript på han. Eit enkelt utgangspunkt kan vere:

  når @greenFlag vert trykt på
  gjenta for alltid
      vent til <rører [fly v] ?>
      endra [farge v]-effekt med (25)
      vent (0.5) sekund
      ta vekk grafiske effektar
  slutt
  

  Her ventar me eit halvt sekund både for at fargeeffekten skal synast og for at flyet då har passert slik at ikkje kong blir treft av det same flyet fleire gonger.

No har me laga eit ganske enkelt spel. Men det er fleire ting du kan prøve på eiga hand! Under finn du nokre forslag, men kanskje du har eigne idear til korleis du kan vidareutvikle spelet?