Gátlisti

• Byrjaðu nýtt verkefni, til dæmis með því að smella á Smiða efst á síðunni. Ef þú hefur nú þegar hafið verkefni geturðu byrjað nýtt með því að velja Skrá og síðan Ný.

• Smelltu á köttinn, og kallaðu köttinn Leo.

• Smelltu á neðst til hægri á skjánum til að sækja nýjan bakgrunn. Veldu til dæmis bakgrunninn Soccer 2 til þess að fá fótboltavöll með marki.

• Nú skulum við skrifa örforrit sem færir köttinn Leo þegar við smellum á hann. Smelltu á Leo í myndglugganum neðst á skjánum til þess að kóða hvað hann á að gera. Settu saman eftirfarandi kubba í kóðunargluggann til vinstri:

  þegar smellt er á þennan karakter
  fara (10) skref
  

Gátlisti

• Þú getur flutt Leo aftur á skjáinn með því að smella á hann og draga hann þar sem þú vilt.

• Við munum forrita auðveldari leið til að fá Leo aftur á völlinn. Búðu til nýtt örforrit við hliðina á því sem þú hefur þegar búið til, sem lítur svona út:

  þegar smellt er á @greenFlag
  fara til x: (-90) og y: (-60)
  

• Nú mun Leo koma aftur á völlinn í hvert skipti sem þú smellir á græna fánann.

Gátlisti

• Við munum nú bæta við bolta í leik okkar. Smelltu á og veldu fótboltann Sports/Soccer Ball.

• Kallaðu boltann Bolti.

• Gerðu boltann minni með því að ýta fyrst á Stærð reitinn og breyta númerinu frá 100 til 60.

• Við munum nú skrifa örlítið lengra örforrit fyrir boltann. Í þessu örforriti setjum við fyrst boltann fyrir framan köttinn. Eftir að boltinn snertir Leo (þ.e. Leo sparkar í boltann) byrjar boltinn að hreyfa sig. Sjáðu hvort þú þekkir hvar í örforritinu mismunandi hlutir eru gerðir:

  þegar smellt er á @greenFlag
  fara til x: (0) og y: (-80)
  bíða þangað til <snertir [Leo v] ?>
  endalaust
    fara (6) skref
  end
  

Gátlisti

• Bættu við fígúru sem getur verið markvörður. Við höfum notað kolkrabba Animals/Octopus, en þú getur líka notað aðrar fígúrur ef þú vilt.

• Settu fígúruna inn í markið. Það er hægt að snúa fígúrunni með því að smella á Búningar og síðan á táknið sem er hægra megin við eyða-takkann.

• Gefðu fígúrunni nafnið Markvörður.

• Gerðu eftirfarandi örforrit fyrir markvörðinn:

  þegar smellt er á @greenFlag
  fara til x: (200) og y: (-50)
  stefna í (0 v) gráður
  endalaust
    fara (15) skref
    ef á kanti snúðu við
  end
  

  Það eru nokkrir nýir kubbar í þessu örforriti. Lestu forritið vandlega. Hvað heldurðu að nýju kubbarnir geri?

Gátlisti

• Finnst þér kannski markvörðurinn vera svolítið stór? Þú getur breytt stærð hans eins og þú gerðir áður. Önnur leið til að breyta stærð er með því að nota kubba úr flipanum Útlit.

  Settu inn kubbinn stærð verður (100)% í endalaust-slaufuna. Þú getur prófað að breyta 100% í aðrar tölur þar til þú finnur viðeigandi stærð fyrir markvörðinn. Ef þú notar kolkrabbann sem Markvörður passar 50% nokkuð vel. Prófaðu það!

Gátlisti

• Við byrjum á að finna út hvort markvörðurinn ver boltann. Smelltu á Bolti. Bættu við einum ef annars-kubbi í örforritið:

  þegar smellt er á @greenFlag
  fara til x: (0) og y: (-50)
  bíða þangað til <snertir [Leo v] ?
  endalaust
  fara (6) skref
    ef <snertir [Markvörður v] ?> þá
      senda [Varið v]
    end
  end
  

  Í kubbnum senda [message1 v] verður þú að velja Ný skilaboð og síðan skrifa Varið sem skilaboð.

  Fígúrurnar geta sent skilaboð í leiknum á milli sín án þess að þú sjáir það í raun. Þetta gerir það einfaldara fyrir margar fígúrur að bregðast við því sem gerist.

• Nú viljum við að bæði boltinn og markvörðurinn hætti að hreyfa sig ef boltinn verður varinn. Bættu þessu við sem nýju örforriti bæði á Bolti og Markvörður:

  þegar ég fæ sent [Varið v]
  stöðva [önnur forrit á karakter v]
  

  Eitt ráð er að skrifa fyrst þennan kóða fyrir boltann. Síðan er hægt að afrita það til Markvörður með því að draga kóðann í Markvörður-fígúruna í myndglugganum neðst á skjánum.

Gátlisti

Nú munum við einnig athuga hvort boltinn hafi farið í mark. Við gerum þetta með því að skoða hversu langt til hægri á skjánum boltinn hefur farið. Staða fígúru í Scratch er lýst með hnitum: (x hnit) segir hvar fígúran er á skjánum frá vinstri til hægri en (y hnit) segir hversu langt upp eða niður á skjánum hún er. Rétt fyrir neðan leikinn eru tvær tölur merktar x og y. Þetta sýnir hnit músarbendilsins. Þær breytast sjálfkrafa þegar hann færist.

• Leo skorar ef boltinn fer nógu langt til hægri án þess að hann sé varinn. Ef þú reynir að setja músarbendilinn á markið sérðu að marklínan er þar sem x er 230. Breyttu örforriti boltans svolítið meira þannig að það líti svona út:

  þegar smellt er á @greenFlag
  fara til x: (0) og y: (-50)
  bíða þangað til <snertir [Leo v]?>
  endalaust
      fara (6) skref
      ef <snertir [Markvörður v]?> þá
          senda [Varið v]
      annars
          ef <(x hnit) > [230]> þá
              senda [Mark v]
          end
      end
  end
  

• A sama hátt og boltinn er varinn er hægt að stoppa hreyfingu Bolti og Markvörður með því að setja þetta örforrit á báðar fígúrurnar.

  þegar ég fæ sent [Mark v]
  stöðva [önnur forrit á karakter v]
  

• Við getum líka látið Leo fagna smá þegar hann skorar mörk. Smelltu á köttinn og gefðu honum eftirfarandi örforrit:

  þegar ég fæ sent [Mark v]
  segðu [Já, ég skoraði!!] í (2) sekúndur
  

• Gerðu svipað örforrit þar sem Leo segir eitthvað um að hann sé leiður vegna þess að skotið hans var varið. Prófaðu þetta á eigin spýtur!

Gátlisti

Til að telja hversu mörg mörk þú hefur skorað og hversu mörgum sinnum Markvörður hefur varið markið munum við nota breytur.

• Smelltu á senuna hægra megin við kóðunarsvæðið.

• Smelltu á flipann Breytur og búðu til nýja breytu. Gefðu nýju breytunni nafnið Mörk. Athugaðu að nýr kassi birtist á senunni sem merktur er Mörk og sem sýnir númerið 0.

• Við munum nú telja mörkin. Búðu til nýtt örforrit sem breytir (Mörk) í hvert skipti sem skilaboðin Mark eru send með því að búa til þetta örforrit á senunni:

  þegar ég fæ sent [Mark v]
  breyttu [Mörk v] um (1)
  

• Við getum gert það sama til að telja hversu oft markmaðurinn varði. Búðu til nýja breytu sem heitir (Varin).

• Búðu til nýtt örforrit til að telja hversu mörg skot eru varin:

  þegar ég fæ sent [Varið v]
  breyttu [Varin v] um (1)
  

Gátlisti

Að lokum munum við prófa hvort Leo tekst að skora 10 mörk eða hvort Markvörður tekst að verja hann 10 sinnum. Þetta er svolítið mikið.

• Í fyrsta lagi munum við búa til tvo nýja bakgrunni, einn sem við getum notað ef leikmaðurinn vinnur (kötturinn skorar 10 sinnum) og einn sem við notum ef leikmaðurinn tapar (markvörðurinn ver 10 sinnum). Smelltu á flipann Bakgrunnar. Hægrismelltu á litlu útgáfuna af bakgrunninum þínum og veldu Gerðu afrit.

• Veldu viðeigandi lit og smelltu síðan á textaverkfærið. Veldu leturgerðina Marker neðst á skjánum. Skrifaðu texta eins og Til hamingu, þú vannst! svolítið hátt á afritinu af bakgrunninum. Gefðu þessum bakgrunni nafnið Sigur.

• Búðu til nýtt afrit af upprunalega bakgrunninum. Gefðu þessum bakgrunni nafnið Tap og skrifaðu viðeigandi texta.

• Búðu til örforrit á bakgrunninn sem setur breyturnar þínar í 0 í upphafi leiksins.

  þegar smellt er á @greenFlag
  láttu [Mörk v] verða [0]
  láttu [Varin v] verða [0]
  bakgrunnur verður [Soccer 2]
  senda [Nýtt spark v]
  

• Við munum spila án þess að þurfa að smella á græna fánann í hvert skipti sem við tökum vítaspyrnu. Fyrir þetta notum við skilaboðin Nýtt spark. Við verðum nú að skipta um

  þegar smellt er á @greenFlag
  

  með

  þegar ég fæ sent [Nýtt spark v]
  

  á bæði Leo, Bolti og Markvörður. Sem dæmi verður örforritið hjá Leo svona:

  þegar ég fæ sent [Nýtt spark v]
  fara til x: (-90) og y: (-60)
  

• Að lokum prófum við hvort við höfum skorað 10 mörk eða hvort markvörðurinn hefur varið 10 sinnum. Breyttu Mark örforritinu á senunni þannig að það líti svona út:

  þegar ég fæ sent [Mark v]
  breyttu [Mörk v] um (1)
  bíða í (2) sekúndur
  ef <(Mörk) < [10]> þá
      senda [Nýtt spark v]
  annars
      bakgrunnur verður [Sigur v]
      stöðva [allt v]
  end
  

• Á sama hátt skaltu breyta Varið örforritinu á senunni:

  þegar ég fæ sent [Varið v]
  breyttu [Varin v] um (1)
  bíða í (2) sekúndur
  ef <(Varin) < [10]> þá
      senda [Nýtt spark v]
  annars
      bakgrunnur verður [Tap v]
      stöðva [allt v]
  end