Forklaring

Hugs at kvar linje i JavaScript skal avsluttast med anten ; eller }, avhengig av om du lagar ein variabel eller ein funksjon. Når me brukar variablar avsluttar me med ;, med funksjonar avsluttar me med }.

Forklaring

Viss tal har verdien 5 vil den fyrste meldinga bli skrive ut. Viss tal har ein annan verdi, så er det den andre meldinga som blir skrive ut. For å sjekke om ein variabel er lik noko brukar me ===. Då sjekkar JavaScript om verdien og datatypen (nummer, tekst osb.) er like.

• Endre variabelen tal til andre verdiar og sjå kva melding du får ut.

Forklaring

• if(alder >= 18) tyder: viss alder er større enn eller lik 18. Altså er setninga sann viss du er 18 år eller eldre, og då er du gamal nok til å køyre bil.

• else if(alder >= 16) tyder: viss if-testen var usann, så sjekkar den om alder er større enn eller lik 16. Viss dette vilkåret er sant, så seier den at du er gamal nok til å køyre moped.

• else tyder elles og vil seie at koden til denne blir køyrt viss dei andre testane er usanne. Altså vil du få beskjed om at du ikkje er gamal nok viss du er under 16 år.

Forklaring

• I ein if(vilkår) kan me sjekke fleire ting samstundes ved å bruke && eller ||. && tyder og, || tyder eller. Finn du ikkje desse teikna på tastaturen kan du spørje ein vaksen om å hjelpe deg. Døme:

var date = new Date();
var mnd = date.getMonth();
var dato = date.getDate();

if(namn === "Lars" && mnd === 7 && dato === 10) { // mnd = månad, dato = dagen i månaden

    console.log("Gratulerer med namnedagen, Lars!");
}

For at koden skal vere sann må namnet vere Lars og datoen må vere 10.8, altså 10. august. getMonth() leverer ut eit tal frå 0-11, difor er August 7 og ikkje 8. Les meir om Date her.

Det same kan du gjere med || viss du heller vil sjekke eller:

if(mnd === 7 && dato === 10) {
    if(namn === "Lars" || namn === "Lasse") {
        console.log("Gratulerer med namnedagen!");
    } else {
        console.log("Du har diverre ikkje namnedag i dag.");
    }
}

Legg merke til her at viss datoen er 10.8 så går du vidare til ein ny if/else som sjekkar om namnet ditt er anten Lars eller Lasse. Viss det er feil dato skjer det ingenting.

Forklaring

• fahrenheitTilCelsius(fahrenheit) tyder at me tek inn ein variabel som me kallar fahrenheit. Den kan berre bli brukt innanfor { } i funksjonen vår.

• return (5/9) * (fahrenheit - 32) brukar variabelen fahrenheit og reknar ut reknestykket som står der.

• Men kva tyder return?

• Return tyder at funksjonen returnerer ein verdi til brukaren som brukaren kan sjå, lagre eller bruke vidare. La osss sjå på eit anna døme:

var gradar = fahrenheitTilCelsius(77);

• Koden over køyrer funksjonen fahrenheitTilCelsius med parameter 77. Då reknar funksjonen ut kor mange gradar Celsius 77 Fahrenheit er, og lagrar denne verdien i variabelen gradar.

For-løkke

for(var i = 0; i < 10; i++) {
    // Kode som køyrast eit gitt antal gonger
}

• var i = 0; dette er ein variabel som fungerer som ein teljar, difor er det eit tal, og me startar vanlegvis med 0 når me tel.

• i < 10; dette er eit vilkår som fortel løkka om den skal fortsetje eller avsluttast. Her seier me at løkka skal køyre så lenge variabelen i er mindre enn 10.

• i++; aukar variabelen i med 1 for kvar runde løkka køyrer.

Døme:

for(var i = 0; i < 10; i++;) {
    console.log(i);
}

Dette blir skrive ut i konsollen:

0
1
2
3
4
5
6
7
8
9

Ein kan gjere det same for å til dømes skrive ut ei melding mange gonger, eller skrive ut kva du har i handlelista di:

var handleliste = ["mjølk", "egg", "smør", "toalettpapir", "brus", "eple", "bananar"]  //[] tyder liste

for(var i = 0; i < handleliste.length; i++) {
    console.log(handleliste[i]);
}

• [] tyder liste, og alle elementa som er i lista blir separert med ,.

• handleliste.length() seier kor stor lista er. Skriv console.log(handleliste.length); i JSBin og sjå kva tal du får ut.

• Når me skal skrive ut eit gitt element frå ei liste skriv me handleliste[index]. index er kva plass i lista elementet har. Hugs at me startar å telje på 0, så det fyrste elementet er handleliste[0]. Då blir handleliste[1] det andre elementet, osb.

While-løkke

while(vilkår) {
    // Køyre kode til vilkåret er usant
}

Ei while-løkke køyrer ei blokk med kode heilt til vilkåret blir usant. While-løkker er fine å bruke, til dømes når ein skal lage eit spel:

while(!gameOver) {
    // Køyr spel
}

! tyder not, altså tyder !gameOver at løkka køyrer så lenge spelet ikkje er slutt. Viss me vil at ei løkke skal køyre for alltid kan me setje vilkåret til True.

Me kan gjere det same som me gjorde med for-løkka:

var i = 0;
while(i < 10) {
    console.log(i);
    i++;
}

Skilnaden er at her må me lagje ein teljande variabel som me definerer utanfor sjølve løkka (var i = 0;). Sjølve teljaren legg me etter all koden i løkka, slik at den tel opp etter me har utført det me skal.