Om oppgåva

Bursdag i Antarktis er ein interaktiv animasjon som fortel historia om ein liten katt som har gått seg bort på bursdagen sin. Heldigvis treff han nokre hyggjelege pingvinar han kan feire saman med.

Dette prosjektet viser fram nokre av moglegheitene Scratch gir for å lage animasjonar og presentasjonar, som samstundes kan koplast opp mot brukarane og gi rom for interaktivitet.

Bilete av Felix, eit peparkakehus og to pingvinar

Oppgåva passar til:

Fag: Matematikk, norsk, engelsk, kunst og handtverk

Anbefalte trinn: 3.-10. trinn.

Tema: Koordinatsystem, samansett tekst.

Tidsbruk: Dobbelttime eller meir.

Kompetansemål

Matematikk, 3. trinn: eksperimentere med og forklare plasseringar i koordinatsystemet
Matematikk, 6. trinn: bruke variablar, løkker, vilkår og funksjonar i programmering til å utforske geometriske figurar og mønster
Norsk, 2. trinn: lage tekstar som kombinerer skrift med bilde
Engelsk fordypning, 10. trinn: skape digitale produkt som kombinerer ulike medietypar
Kunst og handtverk, 7. trinn: bruke programmering til å skape interaktivitet og visuelle uttrykk

Forslag til læringsmål

Elevane kan plassere figurar på bestemte posisjonar i eit koordinatsystem.
Elevane kan få figurar til å bevege seg i eit koordinatssystem.
Elevane kan lage ein samansett tekst for å fortelje ei historie.
Elevane kan få figurar til å interagere på skjermen.
Elevane kan bruke variablar for å ta imot informasjon frå brukaren.

Forslag til vurderingskriterium

Eleven syner middels måloppnåing ved å fullføre oppgåva.
Eleven syner høg måloppnåing ved å vidareutvikle eigen kode basert på oppgåva, til dømes ved å gjere ein eller fleire av variasjonane under.

Føresetnader og utstyr

Føresetnader: Elevane bør vere komfortable med Scratch.
Utstyr: Datamaskiner med Scratch installert. Eventuelt kan elevane bruke Scratch i nettlesaren viss dei har ein brukar (eller registrerer seg) på scratch.mit.edu/. Elevane kan gjerne jobbe to og to saman.

Framgangsmåte

Her finn du tips, erfaringar og utfordringar til dei ulike stega i oppgåva. [Klikk her for å sjå oppgåveteksten.](../bursdag i antarktis/bursdag i antarktis_nn.html)

Me har diverre ikkje nokre tips, erfaringar eller utfordringar knytta til denne oppgåva endå.