Aktivitetar

• Åpne eit tekstprogram.

• Last ned internett.zip viss du ikkje allereie har gjort det gjennom oppgåva Introduksjon til Web

• Åpne fila som heiter om_meg.html. Fila inneheldt bittelitt HTML-kode for å hjelpe deg med å kome i gang, men du må skrive reisten sjølv.

Aktivitetar

• La oss ta lista over ting me likar som eit døme. Ein av feila som ofte skjer er å gløyme avslutnings-taggen, så la oss fjerne </ul> for å sjå korleis det påverkar sida. Lagre fila og oppdater den i nettlesaren.

• Inspiser med X-Ray Goggles. Forstår du kva som kan ha skjedd? Etter at me fjerna avslutnings-taggen forstår ikkje nettlesaren at lista er avslutta, og difor skjer det som skjedde no.

• Legg til avslutnings-taggen </ul> att og lagre sida. Oppdater sida og alt skal vere tilbake til normalt.

• Taggar må vere stava riktig for at nettlesaren skal forstå dei. Kva skjer om me gjer ein skrivefeil?

• Finn <h1>-taggen. La oss sjå kva som skjer viss me forandrar den til <d1>. Lagre fila og oppdater sida i nettlesaren.

Kva skjedde? Sidan nettlesaren ikkje veit kva du meiner med taggen, så kan den ikkje forstå at det er ei overskrift. Då brukar den heller ikkje større tekst til å vise kor viktig akkurat denne teksten er.

• Bytt <d1> attende til <h1> og lagre att.

• Finn ein av <img>-taggane. Me har akkurat prøvd å feilstave ein tagg, slik at nettlesaren ikkje visste kva den skulle gjere med det. Men kva om me feilstavar attributten?

Inne i <img>-taggen har me src- og alt-attributtar:

<img src="katt.png" alt="Katt">

src er der biletet blir henta frå og kva det heiter. I dette tilfellet ligg biletet på same stad som om_meg.html. Hadde biletet vore i ei anna mappe måtte me ha spesifisert det, til dømes slik: bilete/katt.png.

alt er ein tekst som kjem til syne viss biletet ikkje visast. Dette gjer at til dømes blinde kan få lest opp kva det er bilete av ved hjelp av ein skjermlesar. Bileteteksten kan òg hjelpe deg å finne feil viss eit bilete ikkje kjem til syne på nettsida di.

• Prøv å endre src til noko anna. Lagre dokumentet og oppdater i nettlesaren.

• Kva skjedde? Kattungen er borte! Plutseleg veit ikkje nettlesaren kor den skal sjå etter biletet den skal vise. Den leitar nemleg fyrst etter src-attributten som ikkje er der lengre.

• Endre det attende til src så me kan sjå kattungen att.

• Fjern det andre hermeteiknet (") frå alt-attributten for biletet, altså det etter teksten, slik at du ender opp med dette:

<img src="katt.png" alt="Katt />

• Lagre og oppdater i nettlesaren.

Den neste taggen forsvann. Kvifor? Nettlesaren vil tru at alt etter alt =" og før neste hermeteikn er ekstra tekst for dette biletet, inkludert slutten av biletekoden og den neste åpnings-taggen.

• Rett opp feilen slik at alt fungerer att.

No har me gjort nokre vanlege feil, og me har sett at nokre gonger kan ein enkel feil gjere at nettlesaren ikkje forstår kva me vil. Men mesteparten av tida vil nettlesaren prøve å vise oss noko likevel. Me såg at nettlesaren viste oss tekst sjølv om den ikkje forsto at det skulle vere ei overskrift. Så den hjelper oss litt undervegs og prøver å vise det me lagar så godt den kan. Men me har òg sett at enkelte feil gjer den veldig forvirra.